കുന്നംകുളം നിയോജക മണ്ഡലം യു.ഡി.എഫ് സ്ഥാനാർത്ഥി പി.ടി അജയ്മോഹൻ റിട്ടേണിംഗ് ഓഫീസറായ ജില്ലാ ലേബർ ഓഫീസർ സി.പി ബബിത മുമ്പാകെ രണ്ട് സെറ്റ് പത്രിക സമർപ്പിച്ചു. ജോസഫ് ചാലിശ്ശേരി, എം.കെ ജയ്സിംഗ്, അഡ്വ : സി ബി രാജീവ്, ഗഫൂർ കടങ്ങോട് എന്നിവർ സന്നിഹിതരായിരുന്നു. മുരളീ മന്ദിരത്തിൽ കെ. കരുണാകരന്റെ സ്മൃതി മണ്ഡപത്തിൽ പുഷ്പാർച്ചന നടത്തിയാണ് പി.ടി അജയ്മോഹൻ നാമനിർദ്ദേശ പത്രിക സമർപ്പിക്കാൻ എത്തിയത്.
തെരഞ്ഞെടുപ്പ് പ്രചരണാർത്ഥമുള്ള കുന്നംകുളം നിയോജകമണ്ഡലം കൺവെൻഷൻ ( 24/ 03 / 2026 ) രണ്ടു മണിക്ക് രാജീവ് ഗാന്ധി മെമ്മോറിയൽ ടൗൺ ഹാളിൽ ഡോ : എം.പി അബ്ദുൽ സമദ് സമദാനി എം.പി ഉദ്ഘാടനം നിർവഹിക്കും. രാവിലെ 11 മണിക്ക് കഴിഞ്ഞ തദ്ദേശ തെരഞ്ഞെടുപ്പിൽ യുഡിഎഫ് സ്ഥാനാർത്ഥികളായി മത്സരിച്ചവരുടെ സംഗമവും സംഘടിപ്പിച്ചിട്ടുണ്ട്.
